Apanii Rusavaai Tery Naam Ka...

Apanii Rusavaai Tery Naam Ka Charchaa Dekhoon,

Ek Zaraa Shair Kahu Aur Mein Kya Kya Dekhoon,

.

Neend aa Jaaye Tou Kya Mehfilain Barpaa Dekhoon, 

Aankh Khul Jaaye Tou Tanhai Ka Sahara Dekhoon,

.

Shaam Bhi Ho Gayi Dhundhla Gayi Aankhien Bhi Meri,

Bhoolaney WaaleY Mein Kab Tak Tera Rastaa Dekhoon,

.

Sab Zidien Us Ki Mein Poori Karu Har Baat Sunu,

Ek Bachhey Ki Tarah Se Usey Hansta Dekhoon,

.

Mujh Pe Chaa Jaaye Wo Barasat Ki Khushboo Ki Tarah, 

Ang Ang Apnaa Usii Rutt Mein Mehekta Dekhoon,

.

Tu Meri Tarah Sy Yaktaa Hai Magar Mery Habib, 

Jee Mein Aataa Hai Koi Aur Bhii Tujh Saa Dekhoon,

.

Mein Ny Jis Lamhey Ko Pooja Hai Usey Bas Ek Baar, 

Khuwaab Ban Kar Teri Aankhon Mein Utartaa Dekhoon,

.

Tu Mera Kuch Nahi Lagta Hai Magar Jaan-E-Hayaat, 

Jaaney Kyun Tery Liye Dil Ko Dharakta Dekhoon...!!

Poet: Parveen Shakir